Über üs


Mir si dr Christoph, dr Yann u dr Beni vom BRAUatelier. Schön, hesch dr Wäg uf üsi Sitä gfungä!

Ds BRAUatelier isch im Grund gno äs Pandemiegschöpf. Us dr Krise entstande, fasch wie dä Phönix mit sire Äsche. Aber mit haute üs weis Gott nid für göttlech, därum löh mir dä Vergliich grad widr la si (villech sötte mir no säge, är isch nid vo üs cho, de tönts chli weniger blöffet).

Item, agfange hets öppe so:

Dr Christoph het im im März 2020 plötzlech sis Restaurant müesse zue tue. Dr Beni isch churz druf abe übere Summer chli Gast gsi bim Christoph. Di Konstellation het zu paar gmüetleche Äbete ufm Baukon gfüehrt. Sie hei probiert was das erschtä säuber braute Bier so cha, bis eine het gmöget: „Mir zwe sötte ä Craft Bier Braui gründä!“. D’Idee vom BRAUatelier isch ufm Tisch gläge.

Photo by Ketut Subiyanto on Pexels.com

Bis spät id Nacht hei si diskutiert, hei überdimensionali Visione formuliert, hingerzi und fürezi ghirnet, äs heit ja schliesslech niemer uf das BRAUatelier gwartet. Aber die Idee het däne zwe mit jedem Schluck chli besser afa gfauä.

Schnäu isch klar worde, das vier Häng nid wit länge u wüu dr Yann o für (fasch) jedi Bieridee zha isch u sofort zwe Häng, zwe Füess u kreative Ideenä het bigstüret, si dr Christoph, dr Yann u dr Beni si itz rächt zfridni Gründer vom BRAUatelier .